of the crazy shayaris evolve direct from “dil se”
VM: Kitni sundar yeh duniyan hai fir bhi sab kuch yahaan dhokha hai sab koi apna lagta hai par koi apna na hota hai apna to is duniya mein bus sapna hi hota hai :
me: us sapne mein jo roj dikhe wahi apna hota hai, door ho ke bhi jiske paas hone ka ehsaas ho wahi apna hota hai, yun to sab dhoka hai yahan par us dokhe ki sachai jee lo to
apnepan ka ehsas hota hai
VM: sapne mein jo roz dikhe aksar sapna woh reh jata hai…sab kuch khone ke baad bhi apna woh na ho pata hai … jis sachchai ko tum gaate ho woh aksar sab mein na hoti hai…gar main sach boloon
to yeh duniya bhi to ek dhoka hai
me: maana ki yeh duniya bhi ek dhoka hai, par isi dhoke ne to hamein sachai khojna sikhaya hai, har sache pyaar ko isi dhoke ne milwaya hai, ek dhoke ne adam ko sev khila ke pyaar karna sikhaya to dusre
ne srk ko kajol se milwaya hai
VM: dost mere… baatein saari yeh filmy hain … aksar aisa na hota hai .. gar aisa hi hota to raanjha se heer juda na hoti ..tanha anaarkali na roti …. yahaan pyar to aksar sachcha hota hai …..par pyar to
khud main hi eh sachcha dhokha hai
me: mehndi bhi rang lati hai utar jane ke baad, sache pyaar ki kahani bhi amar hoti hai juda ho jane ke baad, paas reh ke to koi bhi pyaar kar le, pyaar ka intehah to hota hai juda ho jane ke baad, aaj bhi heer ranjhe se kahan alag hai, bas ek khalipan ka fark hai, fir wahi baat dohrata hoon, maana ki pyaar bhi ek dhoka hai, par agar dhoke se pyaar ho jaye to us dhoke mein barbad hona hi
acha hai.
VM: main bhi dohrata hoon fir se apni baat…. yeh sirf hai nahi pyaar ki baat….gar fir bhi samjhate ho tum mujhko kya hai pyaar to sun lo meri bhi ek baat pyaar toh sabko hota hai par tikta nahi wo do raat …jo barbaadi tum batlate ho …wo bas toofan hi laati hai …. sang apne sab le jaati hai… jeevan ke rang udd jaate hain … jo duniya kaali pehle se hai wo sannati bhi ho jaati hai.. tanhai jab aati hai toh sab chahat mit jaati hai…. maut fir rahat ban jaati hai
… is janam ki kahani agle janam tak pahuncha di jaati hai
me: jo tike na do raat wo hai kaisi saugat, jo tum baat karte ho tanhai or bedardi ki milti nahi wo sabke saath, maut jiske liye rahat ho jaye us kayar ko pyaar karne ka haq nahi, har janam yaad rakh paoon us pyaar ko har waqt, bewaqt nahi, hum to chale the shaam mein shama bandhne, humare raaton ko andhere ke kafile se odh diya is baar, pyaar mein dhoka kha ke to dekhiye is baar, dhokepan ka dhonk
karne walo se upar uth ke to dekhiye ek baar.
VM: baat tumhari achchi hai…. bus thodi si filmy hai …. main sachchai batlata hoon….. duniya ko dhokha thehrata hoon …. pyaar to sachcha hota hai.. par sabko na hota hai …… baat main sabki karta hoon … ek- do pe main na rota hoon … ab us dhokhe pe main aa jata hoon … jis ka dard tumhe khub bhata hai … sachchai to yeh hai ki .. jis dard ko itna tum chahte ho.. yeh dard bhi to ek dhokha hai ….. saari khushiyaan chin jaati hai …. jhooti muskaan hi aati hai …. is dhokhe ki jalan jeevan bhar tadpati hai
me: mein andhere ka lekhak hoon ujala na mujhe bhata hai, ekant mein dard shehna hi mujhe aata hai, sache pyaar na mili to kya hua, jhute se hi dil khud ko behlata hai, unhe de na paoon ek gam, ye dil jivan bhar tadapna hi chahta hai.
P
No comments:
Post a Comment